खिडकी

‘साहित्याचा आणि शुद्धलेखनाचा संबंधच काय?’ हा प्रश्न अतिशय उद्दाम नम्रतेने विचारण्याचे डिजिटल युग सांप्रत आहे. त्यात बागडणाऱ्यांना हा जुना लेख फार जुना ऽऽ ट वाटण्याची शक्यता आहेच आहे. पण तरीही, त्या आरशात पाहायला हरकत नाही. कारण नामांकित साहित्य पुरस्काराच्या प्रसिद्धिपत्रकातील ही शब्दरॅली आहे! विचार करायला लावणारी... ------------------ फार्फार वर्षांपूर्वी, म्हणजे वीस-एक वर्षांपूर्वी `रुची` मासिकानं (आता त्याचं नाव `शब्द रुची` असं झालंय का? की तेव्हाही ते असंच होतं?) मुखपृष्ठावर एक धम्माल केली होती. म्हणजे मुखपृष्ठावर एक पत्रच छापलं होतं. आणि त्या पत्रातल्या शुद्धलेखनाच्या चुका दाखवून दिल्या होत्या. सध्या साहित्यक्षेत्रामध्ये अनेकांसाठी `नायक` आणि तेवढ्याच जणांसाठी `खलनायक` असलेल्या प्रा. कौतिकराव ठाले पाटील यांनी त्या चुका दाखवून दिल्या होत्या. हे म्हणजे अगदीच सौम्य भाषेत झालं. खरं सांगायचं तर ठाले पाटलांनी ते पत्र लिहिणाऱ्याची अगदी `बिनपाण्यानं तासली` होती. साहित्य क्षेत्रातील एका (आता) मानाच्या (झालेल्या) पुरस्कारासंबंधी काही आवाहन करणारं ते पत्र होतं. ते लिहिणारा एक प्राध्...