स्वतःचा पहिला फोटो छापून येणं आणि शिवाय त्यासोबत बक्षीसही. किती मोठी गोष्ट होती ती त्या काळातली आणि आजचीही! दैनिक केसरीमध्ये लिहिलेलं वाचकाचं पत्र आणि त्याची त्या महिन्यातली सर्वोत्तम पत्र म्हणून झालेली निवड. बरोब्बर ४० वर्षांपूर्वी - ९ सप्टेंबर १९८६! ----------- ‘ लवकर उठायचंच आज ’ असा निश्चय करून ( नेहमीप्रमाणेच) उशिरा उठलो. सगळं आवरून दुपारच्या सुमारास कार्यालयात गेलो. ‘ शतायुषी ’ दिवाळी अंकात संपादकीय सहायक म्हणून काम करायला सुरुवात झाली होती. ‘ पत्रकार ’ ह्या नात्यानं पहिली नोकरी. हल्लीच्या भाषेत सांगायचं तर ‘ कॅम्पस इंटरव्ह्यू ’ मधून निवड झालेली होती माझी. परीक्षेचा निकाल लागण्याच्या आधीच. संज्ञापन व वृत्तविद्या विभागाचे प्रमुख प्रा. डॉ. प्र. ना. परांजपे ह्यांचे घरच्या पत्त्यावर कार्ड आले होते - ‘ एका दिवाळी अंकाच्या संपादकांना सहायकाची गरज आहे. तुम्हाला रस असेल तर कार्यालयीन वेळेत भेटायला यावे. ’ (ते पोस्टकार्ड अजून संग्रहात आहे.😅) कसा कोणास ठाऊक, पण प्र. ना. ह्यांचा मी बऱ्यापैकी लाडका विद्यार्थी होतो. त्यामुळेच त्यांना ह्या जागेसाठी माझी आठवण झाली. त्या दिवशी त्यांनी...
अगदी एक दिवसाच्या फरकानंच त्या दोघांची ‘ओळख’ झाली. ती दोघंही साधारण एकाच वयोगटातली. समाजातल्या वंचित घटकांमध्ये जन्मलेली-वाढलेली. त्यांच्या राज्यांचीही ओळख पुढारलेली-प्रगतिशील म्हणून नक्कीच नाही. त्यातली हिमा दास आसामची आणि बुधियासिंह ओडिशाचा. हिमाची ओळख तिनं जिंकलेल्या सुवर्णपदकामुळं. बुधियासिंह कळला तो सौमेंद्र पढी यांच्या चित्रपटामुळं.
 |
| टँपेअर जागतिक युवा अॅथलेटिक्स स्पर्धेच्या १० अविस्मरणीय क्षणांमध्ये हिमाची धाव जाऊन बसली आहे. |
 |
| अखेरच्या १०० मीटरमध्ये हिमाने मुसंडी मारत सुवर्णपदक जिंकलं. |
हिमा दास असं संगणकाच्या पडद्यावर टंकित केलं, की या १८ वर्षांच्या मुलीचे हजारो संदर्भ ‘गुगल’ समोर ओततं. बुधियासिंह १६ वर्षांचा; त्याच्याबद्दलही बरीच माहिती मिळते, पण तो दोन वर्षांपासून काय करतो, कुठं आहे याचा पत्ता त्यातून लागत नाही. हिमाच्या यशाची बातमी १३ जुलै रोजी देशभर झाली. त्याच्या दुसऱ्याच दिवशी ‘दूरदर्शन’च्या ‘डीडी नॅशनल’ वाहिनीनं ‘बुधिया सिंग - बॉर्न टू रन’ चित्रपट दाखवला. एक सुखावणारी यशोगाथा आणि दुसरी काळीज कुरतडत राहणारी व्यथा!
 |
| धावता धावता बुधियासिंह का थांबला नि कुठं गायब झाला? |
... हिमाची अभुतपूर्व कामगिरी आणि बुधियासिंहचा थबकलेला प्रवास वाचून-ऐकून-पाहून जे वाटलं ते हे. हा जोड लेख ‘झी मराठी दिशा’च्या २८ जुलैच्या अंकात प्रसिद्ध झाले. त्याचे दोन दुवे सोबत दिले आहेत.
टिप्पण्या
टिप्पणी पोस्ट करा